Project Description
PRESENTACIÓN
A Consellería de Cultura, Educación e Ordenación Universitaria convoca premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da Formación Profesional en centros públicos. Preténdese potenciar as iniciativas innovadoras, o traballo colaborativo e a transferencia de coñecemento entre centros educativos, empresas e/ou outras entidades, buscando a calidade e a excelencia na Formación Profesional, e o fomento do emprendemento.
Neste sentido, a “Estratexia Europa 2020”, proposta pola Comisión Europea, incorpora como un dos seus obxectivos o impulso dunha Formación Profesional que propicie novas experiencias no campo da innovación, da calidade, da creatividade e do emprendemento.
A lexislación vixente establece como fin da educación o fomento e a promoción da investigación, a experimentación e a innovación educativa.
A innovación na Formación Profesional e o fomento da relación entre os centros educativos e as empresas permitirá a transformación do coñecemento e da creatividade en produtos e servizos que se integren no mercado, incrementando a competitividade das nosas empresas.
EUSEBIO CHAO CARREIRAS
COORDINADOR DE
INNOVACIÓN E FORMACIÓN
0034 881 880 001
cifp.someso@edu.xunta.gal