Formación

No RÉXIME ORDINARIO estúdase por curso completo, todos os módulos de primeiro curso ou todos os módulos de segundo, e terás a obriga de asistir diariamente ao centro formativo.

Promociónase a segundo curso cando non queda ningún módulo pendente en xuño ou cando a suma das horas do currículo dos módulos suspensos non superan as 300 horas.

As faltas de asistencia, non xustificadas, permitidas é de un 10% das horas totais de cada módulo, se consumes máis poderás perder a avaliación continua, isto quere dicir que xa non terás a posibilidade de examinarte por trimestre pero terás a posibilidade de que te avalíen en xuño nun exame final no que se inclúen todos os contidos do módulo, pois se non recibes a baixa de oficio seguirás pertencendo ao Centro coma estudante.

Na guía do alumnado tes máis información que pode ser do teu interese. En xeral estes ciclos impártense en horario de mañá.

No RÉXIME MODULAR PRESENCIAL estúdase por módulo, poderás matricularte dos módulos que queiras, tanto de primeiro coma de segundo, sempre que ao sumar as horas non se superen as 1000 horas.

Para realizar a matricula no réxime de persoas adultas é preciso ter cumpridos os 18 anos no ano natural no que se inicien os estudos.

En relación a este réxime se recomenda facer a matrícula dos módulos de primeiro antes que os de segundo pois en moitas ocasións os coñecementos adquiridos nos módulos de primeiro son necesarios para acadar o éxito nos módulos do último curso.

Neste réxime, ao ser presencial, terás a obriga de asistir ao centro formativo no horario establecido.

As faltas de asistencia, non xustificadas, permitidas é de un 10% das horas totais de cada módulo, se consumes máis poderás perder a avaliación continua, isto quere dicir que xa non terás a posibilidade de examinarte por trimestre pero terás a posibilidade de que te avalíen en xuño nun exame final no que se inclúen todos os contidos do módulo, pois se non recibes a baixa de oficio seguirás pertencendo ao Centro coma estudante.

Na guía do alumnado tes máis información que pode ser do teu interese. En xeral estes ciclos impártense en horario de tarde.

No RÉXIME MODULAR a DISTANCIA OU SEMIPRESENCIAL se estuda por módulo, poderás matricularte dos módulos que queiras, tanto de primeiro coma de segundo, sempre que ao sumar as horas non se superen as 1000 horas.

Para realizar a matricula no réxime de persoas adultas é preciso ter cumpridos os 18 anos no ano natural no que se inicien os estudos.

En relación a este réxime  recoméndase facer a matrícula dos módulos de primeiro antes que os de segundo pois en moitas ocasións os coñecementos adquiridos nos módulos de primeiro son necesarios para acadar o éxito nos módulos do último curso. Ademais na modalidade a DISTANCIA ou SEMIPRESENCIAL aconséllase ter coñecementos relacionados coa ensinanza que se imparte pois os contidos e as esixencias sos as mesmas que na modalidade presencial.

Neste réxime non é obrigatorio asistir ao Centro, os contidos están dispoñibles nunha plataforma da Consellería a que podes acceder cando teñas o usuario concedido.

Disponse de titorías individuais, cando se solicita un encontro co profesorado da materia, ou titorías colectivas presenciais, cando se procura traballar en grupo facendo unha práctica para acadar os contidos dos que dispós na plataforma. Os horarios de cada tipo de titoría estará dispoñible cando se inicie o curso, e sempre se mantén ao longo da duración do módulo.

En xeral estes ciclos teñen as titorías colectivas en horario de tarde.

TODOS OS HORARIOS  DE MODULAR ESTÁN PUBLICADOS DENTRO DA OFERTA FORMATIVA DE CADA FAMILIA PROFESIONAL.

ESTES HORARIOS PUBLÍCANSE A FINAIS DE XUÑO ANTES DO INICIO DO PERIODO DE MATRÍCULA.