Alumnado

Cada grupo elixirá durante o primeiro mes do curso escolar un/ha delegado/a e tamén un/ha subdelegado/a.

DELEGADOS DE GRUPO

1. Cada grupo nomeará un delegado e un subdelegado de grupo, este último exercerá a función de Delegado en caso de baixa ou ausencia de este. As eleccións serán convocadas e coordinadas polo Xefe de Estudos e realizaranse durante o primeiro trimestre académico.
2. Poderán ser electores e elixibles tódolos alumnos do Centro.
3. A elección realizarase na aula habitual e a Mesa estará formada por:
   • O/A titor/a do grupo, que presidirá a mesa e levantará Acta da sesión.
   • Dous estudantes, o de maior idade do grupo en calidade de vogal, e o de menor idade en calidade de secretario.
4. O quórum esixible será de 2/3 do alumnado e a sesión electoral celebrarase dentro do horario lectivo.
5. A votación será nominal e secreta.
6. O alumno que alcance un número de votos superior o 50%, será elixido Delegado do grupo e, o seguinte, subdelegado. No caso de non alcanzar dito número de votos, procederase a unha nova votación e terase en conta o criterio de maioría simple,é dicir, elíxese a opción que obteña máis votos que as demais. En caso de empate, terase en conta o maior número de votos da votación anterior e, de persistir este, a maior idade.
7. Os representantes dos alumnos exercerán as súas funcións por un ano académico, podendo saír reelixido en anos sucesivos. O cese só poderá producirse por:
   • Traslado ou baixa do interesado
   • Expediente da Dirección
   • Incumprimento das súas obrigas
   • Petición do grupo ou dimisión ratificada polo grupo.
8. As reunións dos Delegados deberán contar co coñecemento do Xefe de Estudos ou na súa ausencia, de calquera outro cargo directivo. Estas reunións terán lugar en horas non lectivas (dentro do horario do Centro), salvo caso extraordinario, coa autorización do Xefe de Estudos.
9. O xefe de estudos facilitará á Xunta de delegados un espazo adecuado para celebrar as súas reunións e os medios materiais necesarios para o seu correcto funcionamento.
10. Os Delegados de curso poderán solicitar ser oídos polos órganos de goberno do Centro, nos asuntos que na súa índole requira a súa audiencia.
11. Os deberes dos representantes dos alumnos nos seus distintos niveis, son os seguintes:
    • Colaborar co profesorado e o Equipo Directivo do Centro, no bo desenvolvemento de tódalas actividades docentes e non docentes
    • Coidar pola adecuada utilización do material e instalacións do Centro por parte de todo o alumnado
    • Propiciala convivencia dos alumnos do seu grupo, evitando actos que poidan redundar en prexuízo da mesma
    • Expoñer ás autoridades académicas as suxestións e reclamacións motivadas do grupo ó que represente
    • Nos casos de faltas colectivas serán informados e oídos, das medidas que procedan, e farán de interlocutores entre a Dirección e o alumnado.
    • Asistir as reunións as que sexan convocados.
12. Os alumnos teñen dereito a manifestar a súa discrepancia respecto ás decisións educativas que lles afecten. Cando a discrepancia revista carácter colectivo, a mesma será canalizada a través dos representantes dos alumnos.