Desde o Servizo Español para a Internacionalización da Educación ( SEPIE), organismo que actúa como Axencia Nacional do programa Erasmus+ da Unión Europea nos ámbitos da educación e a formación en España e adscrito ao Ministerio de Universidades, o CIFP Someso foi seleccionado como exemplo de boas prácticas polo magnífico traballo e implicación no noso proxecto Erasmus+ 2016-1-ES1-KA107-024148, de Educación Superior entre países do programa e países asociados.
Caracterízase polo intercambio de experiencias e colaboración educativa entre organizacións de diferentes niveis educativos (Universidade – Formación Profesional).
O principal obxectivo do proxecto era explorar as posibilidades de colaboración entre unha universidade, con gran experiencia en proxectos europeos e sólidas bases teóricas, e un centro de FP, con gran coñecemento práctico.