Dende o departamento de emprendemento organízanse actividades relacionadas co autoemprego e posta en marcha de proxectos empresariais por conta propia, informando o alumnado de todas as ferramentas que poden dispoñer para levar a cabo as súa idea de negocio, así como, ensinando competencias e motivando para potenciar o esprito emprendor.

Dentro desas ferramentas atopase o viveiro de empresas, onde se pode empezar a xestar o proxecto empresarial, así como, contar co asesoramento necesario para darse de alta como actividade empresarial, e por último ter acceso a unhas instalacións – oficinas co equipamento adecuado – durante dous anos e totalmente gratuítas para empezar a funcionar como empresa.

O programa Aulas de emprendemento na formación profesional ten como obxectivo a creación de aulas de emprendemento nos centros educativos públicos que impartan ensinanzas de formación profesional co obxectivo de canalizar as iniciativas emprendedoras do alumnado, en particular do alumnado que está próximo a finalizar os ciclos. 

Deste xeito, preténdese facilitar a súa inserción e desenvolvemento no mercado laboral, tamén como traballadores por conta propia.