Aproveitando a viaxe ao campionato mundial WorldSkills Shanghai 2026, onde está participando o noso alumno Manuel Prada Palmeiro, déronse pasos decisivos para a internacionalización do CIFP Someso.
A Subdirectora Xeral de Innovación Profesional e Coordinación co Sistema Produtivo Cristina Lesta Íñiguez, e o noso director, Víctor Manuel Varela Mariño, asinaron dous importantes acordos de colaboración co Shanghai College of Science and Technology (SCST) e co Shanghai Institute of Commerce and Foreign Languages (SICFL).
Estes convenios permitirán que alumnado e profesorado poidan realizar estadías formativas en centros de vangarda e empresas punteiras de Shanghái, ademais de impulsar proxectos educativos internacionais conxuntos🤝
