A conselleira de Medio Ambiente e Cambio Climático, Ánxeles Vázquez, visitounos este venres. Veu acompañada polas directoras xerais de Calidade Ambiental e Sostibilidade, María José Echevarría, e de Formación Profesional, María Eugenia Pérez.
O CIFP Someso, recoñecido como centro de excelencia de FP no sector da construción e da sostibilidade enerxética, leva máis de dúas décadas impulsando a bioconstrución, a eficiencia enerxética e a sostibilidade aplicada ao sector da construción.
A través da súa labor formativa e innovadora, o noso centro contribúe á preparación de profesionais comprometidos coa economía circular e a sostibilidade, que aplicarán na práctica os principios de reutilización e eficiencia. Deste xeito, Galicia consolídase como referente nacional na valorización dos residuos da construción e na promoción dun modelo construtivo máis responsable co medio ambiente.
